(كيف تجعل الفيس بوك ماكينة لجذب العملاء (الجزء 2



كنا أتكلمنا في البوست السابق عن أهمية عمل أكونت خاص بالمنتج اللي بنسوق لية وإستهداف الأصدقاء المهتمين بالمنتج وأي نشاط خاص به.
 هنتكلم النهاردة عن المواد المنشورة للأصدقاء علشان تربطهم بحسابك وبمنتجك اللي بتسوق ليه وده من أهم الأشياء.
يفضل دايما البوست انة لايكون طويل ممل ولا قصير مخل :)
 يعني يكون وسط فيه معلومات تهم المتلقي طبعا علي حسب نوع البوست ، هل هو تعليمي أو ترفيهي أو إعلاني.
الأخير ده لازم تخلي بالك جدا لأن الأصدقاء بطبيعتهم بيكرهوا الأعلانات ، فلازم تحاول تقدم الإعلان بشكل حلو يعني يفضل دايما تكون مدعم الإعلان بصور ونصيحتي في موضوع الصور ده وعن تجربة خليك دايما مع الصور الحقيقية يعني المنتج اللي بنسوق لية اشتغل علي صور حقيقية طبيعية الحاجات دية بتخلي العميل المستهدف يطمن إنك بتعلن عن منتج حقيقي والناس واثقة فية وبتشتري منه فده لية أثر كبير في أنة يتناول إعلانك بجدية ودايما أهتم بكل بوست بتنزله وأعمل لايك لكومنتات الناس علية ورد علي استفساراتهم لأن ده مؤشر إنك مهتم وهتقدر تقدمله خدمة طيبة.
 وماتنساش تحط بيانات الاتصال علشان يعرف يتواصل معاك وياسلام لو فيه رابط لموقعك او صفحتك و كلمتين حلوين تحثه أنة يشارك العرض مع اصحابه.
 ويفضل كمان تعمل تاج للصورة خصوصا للأصدقاء اللي تحس أنهم ممكن يهتموا بمنتجك لأن التاج بيخلي إعلانك موجود في صور الصديق أي شخص هيتصفح صورة هيشوف إعلانك ده غير ان بتروح اشارة لأصدقائه أن حد عمله تاج فده بيخلي إعلانك يصل لأصدقاء أصدقاءك ويحقق إنتشار أكبر بس طبعا خللي بالك بلاش التاج العشوائي يعني أنت مسموح ليك ب50 تاج تقريبا في الصورة الواحدة بس بلاش تعملهم مرة واحدة لأنك بكده ممكن تتعرض للحظر من قبل إدارة الفيس بووك.
وفيه كمان تاج للبوست لو مش حاطط صورة رائع جدا وبيصل بسرعة للاصدقاء.
 وياسلام كمان لوتلاقي صديق كدة عندة اصدقاء كتير وفاتح النشر عندة واستهدفتة دة بئة ياباشا لما تنشر عندة كأنة هو اللي بينشر فتصل بكل اصدقائة يعني كدة بيبقي الاخ مشكور متبرع بحسابة لسيادتك.
 لوتاخدوا بالكم إلي الأن لم نستخدم ولاجروب ولامناسبة ولاصفحة كل دة شغل ممكن نعملوة من الاكونت ودة مش معناة أن الأدوات السابقة مش مهمة لاطبعا مهمة بس بوضحلك أن من الأكونت ممكن تعمل شغل فبلاش كسل وتقول أصل لسة مش عندي صفحه أو مش عندي جروب.

للإستفسار تواصلوا معنا على:
01225591227
 01007871146
22604761 02
أو أرسل رسالة خاصة علي الصفحة برقم هاتفك وسوف نتواصل معك مباشرة
أو أبعت بريد الكتروني علي info@appsrobo.com
Visit us: 
http://appsrobo.com

أو زوروا صفحتنا علىFacebook بالرابط التالي:
https://www.facebook.com/Appsrobo

  Twitterأو على التويتر 
https://twitter.com/AppsRoboEgy

 Linkedin أو على لينكدإن
https://www.linkedin.com/company-beta/18003947


Apps Robo Blogger أو على البلوجر
http://appsrobo.blogspot.com.eg/

منقول بتصرف 
مقال :  4.2

Comments

Popular posts from this blog

appsrobo